මේක වෙළඳ නාමය වුනාට
ඒකට කියන්න ඕන හරිම නම මොකද්ද කියලා මම දන්නේ නෑ. විදුලි බලය දීලා නැති දවස්වල
ඉහලම ඉල්ලුමක් තියන සහ විශේෂ වැදගත් කමකින් යුක්ත ලාම්පුව තමා මේ. ලාම්පුතෙල්
පරිභෝජනය වැඩි නිසා හරි ලාම්පුව පත්තු කරන්න විශේෂඥ දැනුමක් ඕන නිසා හරි හැමදාම
මේක පත්තු කරන්නෙත් නෑ. ගෙදර විශේෂ අවස්ථාවක් වෙලාවට, කමතේ කොළ පාගන වෙලාවට නැත්තං
පන්සලේ උත්සවයක දී නම් පැට්රෝමැක්ස් නැතුවම බෑ. කඨින පිංකමක් වෙලාවට නම් මුළු
ගමේම පැට්රෝමැක්ස් ටික එකතු කරලා පෙරහැරේ පත්තු කරගෙන යනවා.
ලාම්පුවේ තියෙන විවාදාත්මක
කොටස තමා මැන්ටල් එක . ඒ නම වෙන වෙන අදහස් දෙන නිසා ලියන්නත් මොකද්ද වගේ . මැන්ටල්
එක රවුම් මලක් වගේ එකක් . ඒක ලාම්පුවේ උඩ කොටසට හයි කරන්න ඉස්සරලා නූල ඇදලා හදා
ගන්න ඕනෑ. එකකොට ඒක මල් පොහොට්ටුවක වගේ හැඩයක් ගන්නවා. නූලෙන් තමා මෙන්ටල් එක
ලාම්පුවේ බඳින්නේ. පරෙස්සමට ඒක පත්තු කරලා හුළං ගහනවා. හුළං ගහන්න ගහන්න ලාම්පුවේ
දීප්තිය වැඩි වෙනවා. එක ප්රමාණයකට වඩා හුළං වැඩිවුනොත් ලාම්පුව පිපිරෙන්න
පුළුවන්. ඒකයි මම කීවේ ලාම්පුව පත්තු කරන්න විශේෂඥ දැනුමක් ඕන කියලා.
ලාම්පුව පත්තු කරලා
ටික වෙලාවක් යන කොට දීප්තිය අඩු වෙනවා. එතකොට ලාම්පුව බිමට බාලා ආපහු හුළං ගහන්න
වෙනවා. එහෙම හුළං ගහන වෙලාවට ලාම්පුව තියා ගන්නේ ගෝනියක් උඩ. එහෙම නැතිවුනොත්
ටැංකිය හිල් වෙන්න පුළුවන්. අපි
පොඩි කාලේ පැට්රෝමැක්ස් එක පත්තු කළාම වටේ ඉඳගෙන කෑම කනවා. එතකොට බත් එක පිරෙන්නම
පුංචි පුංචි සත්තු වැටෙනවා. අපිත් ඒ පුංචි සත්තුත් එක හා සමානව ඒ එළියටත් නොනවත්වා
නැගෙන ෂ්............ සද්දෙටත් ආසා ඇති. ලාම්පුවේ ටැංකියට ලංවෙලා බලන කොට අපේ මුණ
විකාර රෑපී වෙලා පේන්නේ. හිනාවෙන කොට කට දිගට පේනවා. ඇස් දෙක එළියට පැනලා වගේ.
ලාම්පුවේ චිමිනිය
බිඳුනාම ඒක වීදුරු පටි වලට වෙන්වෙනවා. ඒවාගෙනුත් කරන්න වැඩක් තියනවා. ඒ පටි
තුනක් ප්රිස්මයක හැඩයට තියලා නූලකින් තදට
ඔතනවා. ඊට පස්සේ කළු කොළයක් වටේ ඔතනවා. ඒකේ අඩියට ඉටි කොලයක් දාලා කවර් කරනවා.
ඇතුලට වී ඇටයක් දාලා බලන කොට වී ඇට සීයක්
විතර පේනවා. පාට පාට මල් පෙති කීපයක් දාපුවාම කියන්න බැරි තරම් රටා හැදෙනවා.
දියවන්නාව ළඟ ඇවිදින්න හදලා තියන පාර ළඟ තියන “කමතේ“ නම්
සෙනසුරාදා ඉරිදාට පැට්රෝමැක්ස් බලන්න පුළුවන්. ඒ එළියෙන් තොවිලයක් එහෙම කරනවා
දැක්කම වටේ ලයිට් තියෙද්දී මොන එකකට කරදර
වෙනවද කියලා කෙනෙකුට හිතෙන්න පුළුවන්.
•Upamali Gamlath
ReplyDeleteI am waiting for u'r new post. How many patromax are ligjtning by you up to now.funtasgic post
Thanks dear. Very happy to hear that you are waiting for my post.
ReplyDeleteMalkanthi Jayarathne nice one...
ReplyDeleteThanks dear. You too like a petromax. when you walking along the hostel corridor a sound always associated with you
ReplyDelete
ReplyDeleteMalkanthi Jayarathne මට මේ ලඟදි මේවා කියවන්න හම්බවුණේ....මම ඔක්කොම කියවනවා හොදේ. නිවාඩු කාලේ පට්ට